Ислом Каримовга эътироф

«Манга қанча  умр  берса  шу  умримни  охиригача  сизларни
бахтингиз,  келажагингиз  учун  ўзимни  боримни  бериб
хизмат  қиламан  деб  сўз  бераман».
Ислом  Абдуғаниевич  Каримов

Ислом  Каримов  ҳаёти:

          Иймонли-инсофли  мўмин-мусулмонлар  қувғинга  олинаётган  бир  даврда,  Самарқанд  шаҳрида  1938 йил  30 январда  оддий  хизматчи  оиласи,  Санобар  опа  ва  Абдуғани  акаларнинг  олтинчи  фарзанди  ўғил  дунёга  келди.  Аёвсиз  қатағон  даврлари  эди.  Бу  давр  ҳеч  кимни  четлаб  ўтмади.  Масжид  ва  мадрасалар  вайрон  қилинди.  Шундай  бир  даврда  таъқиб  қилинишдан  қўрқмаган  ота-она  фарзандига  “Ислом”   деб  ном  қўйишди.  Бу  эса  улкан  жасорат  эди.  Шу  йили  туғилган  1694 та  ўғил  боллардан  фақатгина  биттасига  Ислом  номи  берилган  эди.  Инсоннинг  исми  унинг  тақдирини  белгилайди,  у  тасодифий  қўйилмайди.  Камтаргина  бу  оилада  оғир  меҳнат  тирикчиликнинг  ягона  манъбаи  бўлгани  боис  у  болалигиданоқ  меҳнатнинг  ва  бир  бурда  ноннинг  қийматини  яхши  биларди.  Онаси  ҳамиша  уй  юмушлари  ва  фарзандлари  билан  банд  бўларди.  Қошҳовуз  маҳалласи  улуғвор  обидалар  билан  ўралган  қадим  жойлардан  бири  бўлган.  Ўша  йилларда  ҳаёт  оғир  эди.  Лекин  одамлар  замоннинг  заҳридан  тўйса  ҳам  бир-бирларидан  меҳрни  дариғ  тутишмаган.

Унинг  болалиги  уруш  йилларига  тўғри  келди.  Ўсмирлиги  эса  урушдан  кейинги  оғир  йилларда  ўтди.  У  Бибихоним  мадрасаси  ёнидаги  21-мактабда  таҳсил  олди.  Ёрқин  хотира,  бетакрор  қобилият,  қийинчиликдан  чўчимаслик  бор  эди  унда.  Қанча  қийинчилик  бўлса  ҳам  у  ўзига  ишонар  эди.  Ундаги  адолат  ҳисси  кучсизларга  ёрдам  беришга,  ҳамиша  тўғри  сўзлашга,  қўрқмасликка  ундарди.  Аслида  чўққи  сари  ўнта  йўл  бўлмайди,  унга  чиқиш  учун  ирода  кучини  тарбиялаш  керак.  Лойжувард  гумбазларга  тикилган  ўспирин  Ислом  уларда  узоқ  ўтмиш  манзаларини  кўргандай  бўларди.  Севимли  тарих  ўқитувчисининг  таъсирли  ҳикоялари  уни  доим  ўзига  ром  этарди.  Балки  ўшанда  “ўтмишсиз  келажак  бўлмаслигини”  тушуниб  еткандир.

У  мактабни  олтин  медал  билан  томомлади.  Олий  маълумотли.   1955 йил  Ўрта  Осиё  Политехника  ва  Тошкент  халқ  хўжалиги  институтларини  аъло  баҳоларда  тугатган.  Муҳандис-механик  ва  иқтисодчи  мутахассисликларига  эга.  Иқтисод  фанлари  номзоди.  Оилали  ва  икки  нафар  фарзанди  бор.

Меҳнат  фаолияти:

         У меҳнат  фаолиятини  1960 йилда  Тошкент  қишлоқ  хўжалик  машинасозлиги (“Ташселмаш”) заводида  бошлаган.  1961 йилдан              1966 йилгача  В.П. Чкалов  номидаги  Тошкент  Авиатция  ишлаб  чиқариш  саноат  корхонасида  муҳандис,  етакчи  муҳандис-конструктор  бўлиб  ишлади.

1966 йилда  Ўзбекистон  ССС Давлат  план  комитетига  ишга  ўтиб,  бош  мутахассисликдан  Республика  Давлат  план  комитети  раисининг  биринчи  ўринбосаригача  бўлган  йўлни  босиб  ўтди.  У аналитек  ақл,  иқтисодий  билим  эгаси  ва    ҳамма  нарсани  мантиққа  бўйсиндира  оларди.

1983 йилда  Ислом  Каримов  Ўзбекистон  ССР  Молия  минстири,           1986 йилда  Ўзбекистон  ССР  Минстрлар  совети  Раисининг  ўринбосари,  Республика  Давлат  план  комитетининг  раиси  этиб  тайинланди.  Уч  йил  фаолият  юритди.

1986-1989 йиллар  мобайнида  Қашқадарё  вилоят  партия  комитетининг  биринчи  котиби  этиб  тайинланди.  Cезиш  ва  инсонларни  билиш  қобилияти  унга  энг  қийин  вазиятлардан  ҳам  чиқиш  имкониятини  беради.  У  ўз  фикрини  қатъий  ҳимоя  қиларди.  Доим  ўз  касбининг  хақиқий  усталарига  таянарди.  Бир  қарорни  қабул  қилишдан  олдин,  ўша  мутахассислар  билан  суҳбатлашарди.   Ҳақиқатда  кўп  нарсани  уддасидан  чиқа  олди.  Вилоятни  ижтимоий-иқтисодий  тангликдан  олиб  чиқди.  Замоннинг  мавжуд  оғир  шароитларига  қарши  чиқиб,  ўз  самарасини  бера  олган  ислоҳотларни  амалга  оширди.  Унинг  ўз  олдига  белгилаб  олган  вазифаси  одамларда  эртанги  кунга  умид  уйғотиш  эди.  Ва  бунга  эришди.  Ислом  Каримов  ҳақиқатгўй  ва  ориятли  инсон  эди.  Қашқадарёликлар  ўзларида  кучли  ва  ишончли  ҳимоячи  борлигига  ишонишган.  Бу  ўзаро  ишонч  ва  меҳр  Каримов  ва  Қашқадарёликлар  юрагида  абадий  муҳрланиб  қолди.  У  шундай  деган  эди: «Агар  мандан  сўраса,  ман  қайерда  бўлсам  хам  Қашқадарёликни  дарров  танийман.  Мен  улардан  қарздорман.  Шундай  муштдай  туриб,  меҳнат  қилгани  учун  уларга  ҳайкал  кўйса  арзийди». 

1989 йилнинг  июнидан  бошлаб  Ўзбекистон  Компартияси  Марказий  Комитетининг  биринчи  котиби  лавозимида  ишлади.

80-йиллар  охири  90-йиллар  бошида  Ўзбекистон  умум  иқтисодий  инқирозда  эди.     Сиёсий  бюро  кенгашига  чақирилиб  Республика  рахбари  этиб  тайинланди.  Иродали,  кучли,  бетакрор  бу  прагматик  оммавий  ишончсизлик  авж  олган  ўша  бесарамжон  йилларда  Республикани  бошқаришдан  чўчимади.

Олдинда  кенг  қамровли  муаммо  турарди.  Икки  миллат  тўқнашуви  алангасида  қолган  Фарғона  1989 йил  июнь  ойи  йечими  йўқ  муаммолар  ичида  қолган  аламзада  ўзбек  ва  мисҳитин  турклари  кўчага  чиқишди.   Шунда  Каримов  зудлик  билан  тўфоннинг  марказига  кириб  бориб,  ўзининг  оқилона  ҳаракати  ва  нутқи  билан  вазиятни  юмшата  бошлади.  Адолатни  қарор  топтириш  ва  ўзбек  миллати  номини  оқлаш  унинг  олдида  турган  бош  вазифа  эди.  У доно  рахбар  сифатида  оёққа  турди,  жасорат  кўрсатди  ва  унинг  жасорати  олдида  хамма  чекинди.

Унинг  шарафи  билан  1989 йил  21 октябрда  ўзбек  тилига  “Давлат  тили”  мақоми  берилди.

1990 йил  февралда  инқироз  туфайли  Тошкент,  Бўка,  Паркент  туманида  ҳам  инқирознинг  устма-уст  зарбаси  бўлди.  Каримов  ўшанда  от  миниб,  одамлар  орасига  кириб  борди  ва  улар  билан  юзма-юз  гаплашди.  Эҳтирос  билан  қилинган  мурожаат  юракка  етиб  борди,  халқ   унга  ишонди.  У  янги  давр,  янги  тузумнинг  ўзига  ишонган  кишиси  эди.

1990 йил  24 март  кунида  Ўзбекистон  ССР  Олий  Кенгашининг  сессиясида  Ислом  Каримов  Ўзбекистон  ССР  Президенти  этиб  сайланди.  Олий  кенгаш  унинг  номзодини  бир  овоздан  маъқуллади.  Энди  Ўзбекистон  Марказнинг  кўр-кўрона  буюрган  топшириқларига  итоат  қилмайдиган  янги  тузумга,  бутун  бир  халқнинг  асрий  орзуси  бўлмиш  мустақилликка  қадам  қўйиш  бўсағасида  турган  эди.  Айни  ўшу  дамда  Ўзбекистоннинг  мустақиллик  сари  ташлаган  илк  қадамига  қопқон  қуювчилар  ҳам  пайдо  бўлди.  Ўшанда  Каримов:  «Мустақил  Ўзбекистон,  унинг  халқи  ўзи  танлаган  йўлдан  ҳеч  қачон  қайтмайди» - деган  эди.

1990 йил  ёзида  Қирғиз-Фарғона,  Ўш  ва  Ўзген  шаҳарлари  ўша  мутхиш  кунларда  азал-азалдан  бир-бирларига  қон-қардош  бўлган  ўзбек  ва  қирғизлар  тўқнаш  келдилар.  Буни  томоша  қилиб  турганларнинг  асосий  мақсади  Марказий  Осиёни  иккинчи  қора  боққа  айлантириш  эди.  Кўп  таҳликали  вазиятларни  бошидан  кечирган  ва  уни  назорат  қилишга  тажрибаси  етарли  бўлган  Ислом  Каримов  ўша  кунларда  ҳар  сафаргидан  ҳам  кучлироқ  эди.  Ўшанда у «Мен  Президент  эканман  қасдма-қасдликка  йўл  қўймайман.  Бирорта  ўзбек  Ўшга,  чегарани  бузиб  кирмайди» деганди.  Ҳатто,  ўзини  хатарга  қўйиб,  қирғин-барот  бўлаётган  жангоҳга  кириб  борди  ва  икки  қардошлар  орасидаги  тўқнашувни  олдини  олишга  эришди.

90-йиллар  бошидан  эса  танглик  ҳукм  сурган  заминда  маъданиятни  ривожлантиришини кўрдик. Ўз нутқида «Ўзимизни улуғ  маъданиятимизни  тиклаяпмиз,  аждодларимиз  ҳурматини  жойига  қўйяпмиз.  Ўзбек  улуғ  миллат,  бу  ишлар  бари  ўзимизни  тушунишимиз,  ўзлигимизни  англашимиз  учун  қилиняпти»-деганди.

1990-йилнинг  феврал  ойида  бўлган  нотинчликларда,  1991  йил  Наманганда  манфур  кимсаларнинг  фитнасига  алданиб,  ғазабман  бўлиб  турган  оламон  билан  юзма-юз  келганини,  уларга  ўз  сўзини  ўтказиб  юртни  фуқаролар  урушидан  асраб  қолганини  эслаб  кўринг.

Доно  йўлбошчи  1999 йил  февраль  воқеаларида  ҳам  ўз  кўксини  қалқон  қилиб,  мамлакатда  беқарорликни  олдини  олди.  И. Каримов  узоқ  йиллар  қарамликда  кун  кечирган  қолоқ  Республикани  қисқа  фурсатлардаёқ  жаҳон  ҳам  жамиятининг  тўлақонли  аъзосига  айлантирди.  Энди  ўзбекнинг  сўзига  манаман  деган  давлатлар,  халқаро  ташкилотлар  унинг  фикри  билан  ҳисоблашадиган  бўлди.

Президентимизнинг  биринчи  фармонига  кўра  1990 йил  март  ойида  кўпминг  йиллик  қиёфамиз  ифодаси  бўлмиш  «Наврўз»  умумхалқ  байрами  сифатида  нишонлана  бошланди.

1991 йил  31  августда  Олий  кенгашнинг  XII чақириқ  навбатдан  ташқари  VI  сессиясида  мамлакатимиз  мустақиллиги  эълон  қилинди.          1 сентябрни  эса  мустақиллик  куни,  умумхалқ  байрами  деб  эълон  қилинди.

Унинг  оқил  ва  донолиги  барча  вазиятларни  кўз  олдига  келтириб,  тайёргарлик  кўрганидан  маълум  эди.  У  аллақачон  президент  бўлишга  тайёр  эди  ва  шу  билан  бирга  халқни  хам  тайёрлаган  эди.

У  бежизга  мустақиллик  арафасида  бош  қомусни  ишлаб  чиқишга  киришмади.  Унда  жамиятнинг  барча  қатлами  иштирок  этиши  таъминланди.  Бош  қомус  икки  марта  умумхалқ  муҳокамасига  қўйилди.  Бари  очиқ  ва  ошкора  бўлиб  ўтди.  Икки  йиллик  меҳнат  натижаси  ўлароқ,  1992 йил  8 декабр  куни  демократик  давлат  гарови  бўлган  Ўзбекистон  Республикаси  Конститутцияси   парламент  томонидан  тасдиқланди.

Сўнгра  давлат  рамзлари  устида  бир  қанча  олимлар  иш  олиб  борди.  Каримов  уларга  ўз  ғояларини,  энг  нозик  тасаввурларини  берди.

1991 йил 18 ноябрда  Каримов муаллифлигидаги,  ўзида  тинчликни,  ҳалолликни,  садоқат  ва  гўзалликни  акс  эттирган  ранглар  уйғунлашган  давлат  байроғи  қабул  қилинди.

1992 йил  2  июлда  эса  давлат  герби  қабул  қилинди.

1992 йил 10 декабрда  Абдулла  Орипов  сўзи,  Мутал  Бурхонов  мусиқаси  билан  давлат  мадҳияси  қабул  қилинди.

Ислом  Каримов  демократик  жамият  барпо  этишни  ўз  олдига  бош  мақсад  қилиб  қояр  экан,  сўз  эркинлигини  таъминлади  ва  кўп  партиявийлик  тизимини  жорий  этди.  У  ўзи  танлаган  йўлдан  қайтмаслигини  кўрсатди.

1991 йил  декабрда  Наманганда  Тохир  Йўлдошевнинг  ортидан  кўр-кўрона  эргашганлар  тош  отдилар.  Каримов  дарров  Наманганга  етиб  келди  ва  шахсан  ўзи  одамлар  орасида  уларга  тушунтириб,  йўлга  сола  олди.  Ўта  босиқлик,  оқиллик  билан  тутган  йўли  туфайли  у  селни  бартараф  қилди.  Бу  ҳаракатнинг  нақадар  тўғри  ва  адолатли  эканлигини  бугун  Наманган  халқи  билади.  Улар  И. Каримов  ҳақига  дуо  қилиб  келадилар.  Унинг  ўша  кунги  мардонавор  ҳаракати  кишилар  юрагида  ҳали  яққол  кўриниб  турибди.

Ўзбек  халқи  чидамли  ва  бардошли  халқдир.  У  халқини  севар  ва  ҳурмат  қилирди.  Шундан  бўлса  керакки,  президентлик  қасамёдини   давлат  бош  қомуси  Конститутция  ва  муқаддас  Қуръони  Карим  олдида  қабул  қилганди.

1992 йил  2 мартда  БМТга  аъзо  бўлиб  кирди,  деярли  барча  нуфузли  халқаро  ташкилотлар  ва  минтақавий  уюшмаларга  қабул  қилинди.  120 дан  ортиқ  давлат  билан  дипломатик  алоқа  ўрнатди,  ўзаро  манфаатли  ҳамкорликни  йўлга  қўйди.  Шу  йили   хорижий  давлатлар  билан  ўзаро  алоқаларини  ўрнатиш  мақсадида  Афғонистонга икки  маротаба  ташриф  буюрди.  Ўшанда  Каримовга  муқаддас  Каъбапўшдан  бир  қитъа  совға  қилинган  эди.

Ислом  Каримов  мамлакатнинг  манфаатларини  дунё  минбарларида  қатъий  ҳимоя  қила  олиши,  халқаро  миқиёсда  тенг  ҳуқуқли   муносабатлар  ўрнатишга  тайёрлиги,  бу  йўлда  ўз  режалари  ва  ҳаётий  позициясига  эгалиги  билан  жаҳон  ҳамжамияти  вакиллари  хурматига  сазовор  бўлди.  Унинг  тимсолида  дунё  ўзбек  халқини  кўрди.

1994 йил 1 июлда иқтисодиётни жадал ривожланишини  мустахкамлайдиган  миллий  валюта  «сўм»  муомилага  киритилди.

Каримов  Ўзбекистон  ғалла  ва  нефт  мустақиллигига  эришишига  ҳамда  ишлаб  чиқаришни  ривожлантиришда  жонбозлик  кўрсатди.  Февмерлик  ва  тадбиркорликка  кенг  йўл  очиб  берди.

1996 йилда  эса  «Кадрлар  тайёрлаш  миллий  дастурини»  ишлаб  чиқишга  киришилди.

Юртбошимиз  «Бизнинг  юртимизда  яшаётган  ҳар  қандай  ўзбек  боласи  ҳеч  кимдан  кам  эмас  ва  кам  бўлмайди»-деб  таъкидлар  эди.

Миллий  ўйинларимиз  ҳам  ўз  қадрини  топди.

1992 йил  Ўзбекистонда  катта  теннис  турнири  ўтказилди.

         Президентимиз  таъкидлаганларидек, «Инсон  боласини  она  ёруг  дунёга  келтиради.  Ок  ювиб,  ок  тарайди.  Уни  беғараз  меҳри  билан  улғайтиради.  Инсон  қалбига  жамийки  олийжаноб  туйғулар  барчаси  она  меҳридан.  Ватанга  муҳаббат  туйғуси  она  сути,  она  алласи  билан  қон-қонимизга  сингади,  онгимизга  киради.  Шу  боис  ҳам  она  Ватан-она  демакдир».

У  халқнинг  энг  ҳаққоний  объектив  тарихини  қайта  тиклади.  Мустақиллик  йилларида  Амир  Темур,  Улуғбек,  Алишер  Навоий,  Жалолиддин  Мангуберди  каби  алломалар  хотираси  учун  ҳайкаллар  қурилди.  Кўплаб  шаҳарларнинг  тарихи  узоқ  минг  йилликларга  бориб  тақалади.  Уларнинг  юбилей  санасини  ҳам  кенг  нишонлади.  Улар   ўз  натижасини  бермоқда.  Миллат  ўз  маданияти,  санъати,  насл-насабини  яхши  биляпти.

1998 йил  Имом ал-Бухорий  масжиди  қайта  қуриб  фойдаланишга  топширилди.

1999 йил  «Мотамсаро  она»  ҳайкали  очилди.  Шунингдек,  туман  ва  қишлоқларда  ҳам  худди  шаҳарлардагидек  замонавий  ва  чиройли  уй-жойлар,  минглаб  мактаб,  болалар  боғчаси,  коллеж  ва  лицейлар,  спорт  майдончалари  қуриб  берилди.

1999 йил  16 февралда  Тошкентда  портлаш  юз  берди.  Қурқувга  тушган  одамларга  қараб,  Каримов  ўз  вақтида,  ўз  сўзини  айта  олди  ва  уларга  ишонч,  суянч  бўлди.  «Мандай  одамни  ўзгартириб,  бўлмайди.  Мен  қўрқмайман,  ўз  йўлимдан  қайтмайман.  Бу  йўлда  ҳатто  жонимни  ҳам  бераман,  мани  ўзгартириб  бўлмайди» деб  айтган  эдилар.

Халқаро  муносабатлар  ҳақида  сўз  кетар  экан  АҚШдан  Япониягача,  Малайзиядан  Буюк  Британиягача  бўлган  давлатлар  Ўзбекистон  билан  тенг  ҳуқуқли  ва  ўзаро  манфаатли  алоқалар  ўрнатганини  айтиш  жоиздир.

Ўзбекистон  минтақадаги  энг  этакчи  давлат  сифатида  эътироф  этилди.  И. Каримов  нафақат  моҳир  сиёсатчи,  халқи  каби  соддагина,  самимий  инсон  эди.   Жаҳон  минбарларида  қанчалик   қатъият  билан  ўз  сўзини  айтса,  халқи  билан  шунчалик  содда  ва  самимий  тиллашарди.  Шу  боис  одамлар  унга  юракларини  очишарди,  ҳеч  кимга  айтмаган  сўзларини  Президентга  айтишарди.  Одамлар  билан  елкадош  бўлиб  яшади.  Ислом  Каримов  тинчлик,  барқарорлик  тимсоли  бўлиб  қолди.  Ҳар  бир  инсонннинг  бахтиёр  турмуши  учун  зарур  бўлган  ушбу  неъматлар  айнан  унинг  номи  билан  боғлиқ.

Сиёсий  фаолияти:

         1991 йил  31 августда  Ислом Каримов  тарихий  воқеа-Ўзбекистон  Республикасининг  давлат  мустақиллигини  эълон  қилди.

1991 йил 29 декабрда  муқобиллик  асосида  ўтказилган  умумхалқ  сайловида  Каримов  Ўзбекистон  Республикаси  Президенти  этиб  сайланди.

1995 йил  26 мартда  бўлиб  ўтган  умумхалқ  референдуми  якунларига  кўра, Каримовнинг Президентлик  ваколати  2000  йилга  қадар  узайтирилди.

2000 йил  9 январда  у  муқобиллик  асосида  Ўзбекистон  Республикаси  Президенти этиб қайта сайланди. Ўзбекистон Республикаси  Конститутциясининг  89-,  ва  93-,моддаларига  мувофиқ,  Каримов  ўша  вақтда, Ўзбекистон Республикаси Вазирлар Маҳкамасининг Раиси,  Ўзбекистон  Республикаси  Қуролли  Кучларининг  Олий  Бош  қўмондони  бўлган  эди.

Ислом  Каримов  “Ўзбек  модели”  асосчиси  сифатида

          1990 йил  март  ойи  ютуқларга  эришишнинг  бошланғич  қадами  бошланди.  Ўша  пайтдаги  иттифоқдош  республикалар  рахбарлари  орасида  Ислом Каримов биринчи  бўлиб  Ўзбекистон  Республикаси  президентлигига  сайланди.  Шу  тарихий  жараён  силсиласи  ўлароқ.                                           1990  йил  20  июнда  “Ўзбекистоннинг  Мустақиллик  Декларацияси”  ва  1991 йилнинг 31  августида “Ўзбекистон Республикасининг Давлат  мустақиллиги  асослари  тўғрисида” ги  қонун  қабул  қилинди.                           1991 йил  31  август  тарихий  санасидан  эътиборан  ўз  мустақиллигини  қўлга  киритган  Ўзбекистон  тенглар  ичра  тенг  бўлиб,  суверен  демократик  республика  сифатида  мустақил  ички  ва  ташқи  сиёсатини  юрита  бошлади.  Шу  билан  бирга  ўз  байроғимиз,  гербимиз,  она  тилимиз,  миллий  мадҳиямиз,  миллий  валютамиз,  миллий  армиямиз  ва  Конституциямизга  эга  бўлдик.

Буларнинг  барчаси  Биринчи  Президентимиз  томонидан  ишлаб  чиқилган  “Тараққиётнинг  ўзбек  модели”  ва  беш  тамойил  асосида  амалга  оширилаётган  ишларнинг намоёнидир.  Машҳур  беш  тамойилга:

-иқтисодиётнинг  сиёсатдан  устуворлиги,

-давлат-бош  ислоҳотчи,

-қонун  устуворлиги,

-кучли  ижтимоий  сиёсат  юритиш,

-бозор  иқтисодиётига  босқичма-босқич  ўтишга  асосланган  ана  шу  модель  бозор  муносабатларига  асосланган  ҳуқуқий  демократик  давлат  қуриш  стратегияси  сифатида  барча  амалий  ишларимизнинг  мустаҳкам  пойдевори,  тараққиётимизнинг  асосий  ҳаракатлантирувчи  кучига  айланди.  Барча  ислоҳотлар  негизида «ҳамма  нарса  инсон  манфаатлари  учун»  деган  ғоя  ётарди.

 Илмий  фаолияти:

         Каримов  1994 йилда  Ўзбекистон  Фанлар  Академияси,  шунингдек,  иқтисод,  фан,  таълимни  ривожлантиришга  қўшган  улкан  ҳиссаси  учун  ўндан  ортиқ  хорижий  мамлакат  университет  ва  академияларининг  фахрий  фан  доктори,  профессор  ҳамда  академиклигига  сайланган.  Унинг

“Ўзбекистоннинг  ўз  истиқлол  ва  тараққиёт  йўли” (1992),

“Янги  уй  қурмай  туриб,  эскисини  бузманг” (1993),

“Ўзбекистон-бозор  муносабатларига  ўтишнинг  ўзига  хос  йўли” (1993),

“Биздан  озод  ва  обод  ватан  қолсин” (1994),

“Истиқлол  ва  маънавият” (1994),

“Ватан  саждагоҳ  каби  муқаддасдир” (1995),

“Ўзбекистон иқтисодий  ислоҳотларни  чуқурлаштириш  йўлида” (1995),

“Ўзбекистон  ХХI аср  бўсағасида: хавфсизликка  таҳдид,  барқарорлик

шартлари  ва  тараққиёт  кафолатлари” (1997),

“Баркамол  авлод  орзуси” (1998),

“Кучли  давлатдан  кучли  жамият  сари” (1998),

“Тарихий  хотирасиз  келажак  йўқ” (1998),

“Оллоҳ  қалбимизда,  юрагимизда” (1999),

“Озод ва обод  ватан,  эркин  ва  фаровон  ҳаёт-пировард  мақсадимиз” (2000),

“Тинчлик  учун  курашмоқ  керак” (2001),

“Ўзбекистонда  демократик  ўзгаришларни  янада чуқурлаштириш ва  фуқаролик

жамияти асосларини шакллантиришнинг асосий  йўналишлари” (2002),

“Юксак  маънавият-енгилмас  куч” (2008),

“Ўзбекистон  мустақилликка  эришиш  остонасида” (2011),  шунингдек,

2015 йилда  чоп  этилган  “Она  юртимиз  бахту  иқболи  ва  буюк  келажаги  йўлида  хизмат  қилиш- энг  олий  саодатдир”  китоби  ва  бошқа  асарларида  ҳам  иқтисодиёт,  ижтимоий-сиёсий  тараққиётнинг  долзарб  масалалари  тадқиқ  қилинган.  Ўзбекистоннинг  ички  ва  ташқи  сиёсати  илмий  асослаб  берилган,  ҳозирги  ва  истиқболдаги  вазифалар  кўрсатиб  ўтилган.  Унинг  асарлари  инглиз,  рус,  франсуз,  испан,  немис,  ҳинд,  хитой,  араб,  корейс,  турк  ва  бошқа  хорижий  тилларга  таржима  қилиниб,  бир  неча  бор  нашр  этилган.

Каримов  ва  Ўзбекистоннинг  тинчликпарвар  сиёсати:

           Ислом  Каримов  Ўзбекистон  Республикаси  Президенти  сифатида  иш  бошлаган  биринчи  кунданоқ  тинчлик  масаласини  давлат  сиёсати  даражасига  кўтарди.  Бунда  асосий  эътибор  ички  ва  ташқи,  яъни  яхши  қўшничилик  ва  дунё  мамлакатлари  билан  тенг  ижтимоий,  иқтисодий,  сиёсий,  маънавий  ва  маданий  ҳамкорлик  ришталарини  боғлашга  қаратилди.  Энг  муҳими,  Ўзбекистон  фарзандлари  бирор  ҳарбий  ҳаракатларда  иштирок  этмаслиги,  ўзга  юртларда  хизмат  қилмаслиги,   фақат  ўз  юрти  сарҳадларини  ҳимоя  қилиши  алоҳида  таъкидланди  ва  бунга  оғишмай  амал  қилиб  келинмоқда.

          Мукофотлари:

        Каримов  суверен  ва  мустақил  Ўзбекистонни  барпо  этиш,  халқпарвар  демократик  ҳуқуқий  давлат  яратиш,  фуқаролар  тинчлиги  ва  миллий  тотувликни  таъминлаш,  тарихий  адолатни  тиклаш  ишига  кўшган  улкан  ҳиссаси  ҳамда  бу  борада  матонат  ва  жасорат  кўрсатганлиги  учун:

1996 йилда  «Мустақиллик»  ордени  билан  ва  яна  шу  йили

1996 йил  Швейцария  Халқаро  Олимпия  қароргоҳида  бутун  дунё  спортига  қўшган  ҳиссаси  ва  замонавий  олимпияни  ривожлантиришдаги  эзгу  мақсадларга  садоқати  учун  «Олимпия»  олтин  медали  билан  тақдирланди. Мустақил  Ўзбекистонни  барпо  этиш,  халқпарвар  демократик  ҳуқуқий  давлат  яратиш,  фуқаролар  тинчлиги  ва  миллий  тотувликни  таъминлаш  ишига  қўшган  улкан  ҳиссаси  ҳамда  бу  борада  матонат  ва  жасорат  кўрсатганлиги  учун  “Ўзбекистон  Қаҳрамони”  унвони,  “Мустақиллик”  орденлари,

1998 йилда  эса  «Амир  Темур»  орденлари  билан  тақдирланган.

1998 йил  ЮНЭСКО  томонидан  «Ибн  Сино»  олтин  медали  билан  ҳам  тақдирланди.  Шунингдек,  у  бир  қанча  хорижий  давлатларнинг  ва  нуфузли  халқаро  ташкилотларнинг  орден  ва  медаллари  билан  мукофотланган.

 

Ислом  Каримов  ва  ёшлар

                                                               “Дунёда  ҳеч  бир  нарса  мамлакатни,  миллатни

                                                                спортчалик  дунёга  тез  танитмайди,  машҳур  

                                                                қила  олмайди” 

                                                                                                       И.А. Каримов.

           Истиқлол  йилларида  мамлакатимизда  ёшларнинг  ҳуқуқ  ва  қонуний  манфаатларини  ҳимоя  қилиш,  иқтидорли  ёшларни  қўллаб-қувватлаш,  уларнинг  ижодий  ва  интелектуал  салоҳиятини  рўёбга  чиқариш,  ҳуқуқий  ва  сиёсий  маданиятини  ошириш,  соғлом  турмуш  тарзини  шакллантириш,  “оммавий  маъданият”  ва  ёд  ғоялар  тасиридан  асраш  давлат  сиёсатининг  устувор  вазифаларидан  бири  сифатида  эътироф  этилди.

Мамлакатимиз  биринчи  Президенти  Ислом  Каримов  таъкидлаганларидек,  “Бизнинг  ишончимиз  ва  таянчимиз  бўлмиш  ёшларимизга  янада  кенг  йўл  очиб  бериш,  фарзандларимизни  замонавий  билим  тажрибага,  ўз  мустақил  фикрига  эга  бўлган,  маънавий  юксак  комил  инсонлар  этиб  тарбиялаш,  уларнинг  жамиятимизда  мустаҳкам  ва  муносиб  жой  олиши  йўлида  зарур  шарт-шароитларни  яратиб  бериш  барчамиз  учун  ҳам  қарз,  ҳам  фарз”.  Бу  ғоявий  мазмундаги  фикрлар  илгари  сурилган  қарашлар  бугун  ўз  тасдиғини  топмоқда.

Мамлакатимиз  аҳолисининг  учдан  икки  қисми  ёки  аҳолининг  қарийб  35  фоизини  16 ёшгача  болалар,  60 фоизидан  зиёдини  эса             30 ёшгача  бўлган  ёшлар  ташкил  этиши  ҳисобга  оладиган  бўлсак,  бу  ислоҳотларнинг  роли  ва  аҳамияти  қанчалик  муҳим  эканлиги  ўз-ўзидан  равшан  бўлади.  Республикамизда  ёшларнинг  муносиб  турмуш  кечиришлари,  ҳаётда  ўз  ўрнини  топишлари  учун  шарт-шароит  ва  имкониятлар  яратиб  бериш  мақсадида  кейинги  йилларда  уларнинг  манфаатларини  кўзловчи 150 дан  ортиқ  қонун  ҳужжатлари  ишлаб  чиқилди.                                                                                                           1991 йил  20 ноябрда  “Ўзбекистон  Республикасида  ёшларга  оид  давлат  сиёсатининг  асослари  тўғрисида”,

1992 йил 2 июлда,  “Таълим  тўғрисида”ги  Ўзбекистон  Республикасининг  қонунлари,

2008  йил  7 январда  “Бола  ҳуқуқларининг  кафолатлари  тўғрисида”,

2010 йил  29 сентябрда  “Вояга  етмаганлар  ўртасида  назоратсизлик  ва  ҳуқуқбузарликнинг  профилактикаси  тўғрисида”  шулар  жумласидандир.

Ислом  Каримов  таъкидлаганидек,  “Бугунги  кунда  фақат  юксак  билимли,  замонавий  фикрлайдиган,  интеллектуал  ривожланган  ва  профессионал  тайёргарликка  эга  бўлган  ёшларгина  сифатли,  жадал  ва  инновацион  тараққиётнинг  энг  муҳим  шарти  ва  гарови  бўла  олиши,  айнан  улар  мамлакатнинг  буюк  келажагини  таъминлаш  мумкинлигига  кимнидир  ишонтириш  ёки  буни  исботлаб  беришнинг  ҳожати  йўқ”.

Бугунги  кунда  дунё  юксак  тараққий  этаётган  давлатлари  қаторида  Ўзбекистон  тажрибаси  қисқа  вақт  ичида  таълим  тизимида  амалга  оширилган  ишларни  “ўзбек  таълим  мўжизаси”  деб  эътироф  этса  бўлади.  Мамлакатимизда  иқтидорли  ёшларни  қўллаб-қувватлаш,  ижодий  ва  интеллектуал  салоҳиятини  рўёбга  чиқариш  мақсадида  “Истеэдод”  жамғармаси,  “Камолот” ёшлар  ижтимоий  ҳаракати,  “Маданият  ва  санъат  Форуми”,  “Меҳр  нури”  каби  жамғармалар,  шунингдек,  “Зулфия”  номидаги  Давлат  мукофоти,  “Ниҳол”  мукофоти,  “Ўзбекистон  белгиси”  кўкрак  нишони,  Президент  ва  бошқа  номдор  стипендиялар,  “Келажак  овози”  республика  танлови,  “Янги  авлод”  республика  болалар  фестивали,  “Камолот”  ЁИҲ  республика  танловлари  таъсис  этилганлиги  иқтидорли  ёшларни  юксак  марралар  сари  интилишларига,  эътирофга  сазовор  бўлишларига  кенг  имкониятлар  эшигини  очиб  берди.

         “Шуни  унутмаслигимиз  керакки,  келажагимиз  пойдевори  билим  даргоҳларида  яратилади,  бошқача  айтганда,  халқимизнинг  эртанги  куни  қандай  бўлиши  фарзандларимизнинг  бугун  қандай  таълим  ва  тарбия  олишига  боғлиқ”,  деб  таъкидлаган  Ислом  Каримов.  Бу  борада  давлатимиз  раҳбари  таъкидлаганларидек,

“...Таълим  ва  тарбия  ишини  уйғун  ҳолда  олиб  боришни  талаб  этади.  Таълимни  тарбиядан,  тарбияни  эса  таълимдан  ажратиб  бўлмайди-бу  шарқона  қараш,  шарқона  ҳаёт  фалсафаси”.

Ёшларни  соғлом  авлод,  комил  инсон  этиб  тарбиялаш,  уларда  соғлом  турмуш  тарзини  шакллантириш  борасида  ҳам  мамлакатимизда  бир  қатор  амалий  ишлар  амалга  оширилиб  келмоқда  ва  бу  ҳозирги  кунда  ўз  самарасини  бермоқда.  Давлатимиз  раҳбари  Ислом  Каримов  таъкидлаганидек,  “Соғлом  авлодни  тарбиялаш  барчанинг,  бутун  жамиятнинг,  шу  юртда  яшайдиган  ҳар  бир  инсоннинг  асосий  иши,  инсоний  бурчидир”.  Бу  борада  давлатимиз  раҳбарининг  раҳнамолигида  мамлакатимизда  ёшлар  ўртасида  спортни  ривожлантириш,  уларни  мунтазам  спорт  билан  шуғулланишлари  учун  шарт-шароит  яратиш  бўйича  улкан  ишлар  амалга  оширилиб  келинмоқда.  Уч  босқичли  ягона  тизим  “Умид  ниҳоллари”,  “Баркамол  авлод”  ва  “Универсиада”  каби  спорт  ўйинлари  ташкил  этилганлигини  алоҳида  таъкидлаш  лозим.

Бу  тизимнинг  тасдиғи  сифатида  Бразилияда  бўлиб  ўтган  31-Ёзги  Олимпия  ўйинлари  мустақил  Ўзбекистон  тарихида  медаллар  жамғариш  борасида  рекорд  натижа  қайд  этилгани  ёрқин  мисолдир.  Спортчиларимиз  13 та  медални  қўлга  киритишди.  Шулардан  4 таси  олтин,  2 та  кумуш  ва  7 таси  бронза  эканлигини  таъкидлаб  ўтишимиз  лозим.

Шунингдек,  32  нафар  спортчиларимиз  Паралимпия  ўйинларининг  31  медалини  (8 та  олтин,  6 та  кумуш,  17 та  бронза)  қўлга  қиритиб,  умумжамоа  ҳисобида  200 га  яқин  иштирок  этган  давлатлар  ўртасида             15-ўринни,  Марказий  Осиё  давлатлари  ўртасида  1-ўринни,  МДҲ  давлатлари  ўртасида  2-ўрин,  Осиё  давлатлари  ўртасида  2-ўринни  қўлга  киритди.  Дзюдо  спорт  тури  бўйича  умумжамоа  ҳисобида  1-ўринни  эгаллашди.

Спортчиларимиз  томонидан  6 та  жаҳон,  7 та  Паралимпия  ўйинлари,  12 та  Осиё  рекорди  ўрнатилди.  Шу  вақтга  қадар  бирорта  давлат  вакиллари,  яъни  иштирокчилар  сони  ва  қўлга  киритилган  медаллар  сони  бўйича  бундай  натижа  қайд  этишмаган.

Ислом  Каримов  томонидан  “Фарзандларимиз-бизнинг  келажагимиз.  Халқимиз  эртасининг  қандай  бўлиши  фарзандларимизнинг  бугун  қандай  таълим  ва  тарбия  олишига  боғлиқ”  деб  айтилган  сўзнинг  амалий  натижаларидир.

Эътироф:

         Ўзбекистоннинг  Биринчи  Президенти  Ислом  Каримов  фаолиятида  ташқи  сиёсий,  мамлакатлар  ва  халқлар  ўртасида  ишончли  ҳамкорликни  ўрнатиш,  халқаро  эътироф  этилган  тамойил  ва  нормаларга  амал  қилиш  доимо  муҳим  аҳамият  касб  этган.

Халқаро  экспертлар  эътирофи  бўйича  эълон  қилинган  рейтингда  иқтисодиёти  энг  тез  ривожланиб  бораётган  мамлакатлар  орасида                       5-ўринни  эгаллаган,  БМТ  кўмагида  АҚШнинг  Колумбия  университети  томонидан  ташкил  этилган  ижтимоий  тадқиқотлар  орасида  эълон  қилинган  “Бутун  жахон  бахт  индекси” да  158 та  мамлакат  ўртасида                   44-поғонани,  МДҲ  мамлакатлари  орасида  1-ўринни  эгаллаган  давлатга  айландик.  Юртимизда  Ислом  Каримов  ташаббуси  ва  рахнамолиги  остида  ҳаётга  кенг  татбиқ  қилинган  ислоҳотлар  натижаси  ўлароқ,  бир  сўз  билан  айтганда,  бой  бўлмоқдамиз,  тенглар  ичра  тенг  бўлмоқдамиз.

Дарҳақиқат,  сарбонимиз  айтганларидек: «Замон  ўтади  барибир  бизлар  қилган  ишлар  давомчиси  бўлмиш  мана  шундай  йигитлар, қизлар,  қариялар  бу  замонни  халқимиз  ҳавас  қилган  эди  ва  шундай  кунларга  яратганимиз  етказяпти.  Яратганимиздан  ҳар  тонг, доим  сўрасак  ҳеч  қачон,  ҳеч  ким  кам  бўлмайди».    

Бундай  ҳамкорлик  Ислом  Каримовнинг  сиёсий  сергаклиги,  мафкуравий  собитқадамлиги,  дунёда  содир  бўлаётган  воқеа-ҳодисаларни  чуқур  таҳлил  қилиш  ва  ундан  туғри  хулоса  чиқариш  каби  амалиёт  билан  янада  мустаҳкамланади.  Дунёнинг  йирик  сиёсатчилари,  давлат  раҳбарлари,  ҳалқаро  экспертлар  Ислом  Каримовнинг  бу  сифатларини  доимо  қадрладилар  ва  эътироф  этиб  келдилар.

Ислом  Абдуғаниевич  Каримовнинг  вафоти:

        2016 йил  2 сентябрида  Тошкент  вақти  билан  соат  20:55 да  Тошкент  шаҳрида  бош  мияда  қайта  тикланмайдиган  ўзгаришларга  ва  полиорган  етишмовчилигига  олиб  келган  мия  қон  айланишининг  ўткир  бузилиши (инсулт) оқибатида  барчамиз  учун  қадрли  бўлган  халқ  отаси,  президентимиз  вафот  этди.

Бу  кун  миллионлаб  юртдошларимиз  қалбини  йиғлатган  кун  сифатида  тарихда  қолди.  Бизлар  ўшанда  нафақат  президент  балки  ҳар  бир  Ўзбекистонлик  учун  ғамхўр  отага  айланган  буюк  инсон  билан  мангуга  видолашдик.  И. Каримов  у  миллатнинг,  халқнинг,  ҳар  биримизнинг  тақдиримизни  ўзгартира  олди.  У  ҳар  бир  фуқаронинг  тақдирига  ўзини  жавобгар,  масъул  деб  билди.  Президент  бўлгани  учун  эмас  у  бошқача  бўлолмасди.  Шу  юртда  яшовчи  каттаю-кичикни  яқин  деб  биларди.  Шу  боис  ҳам  халқи  унга  суянарди.  У  ўта  мураккаб  таҳликали  вазиятларда  ўзини  йўқотиб  қўймади.  Халқига  тоғдек  таяч  бўлди.  Юртимиз  тарихидаги  ана  шундай  оғир  дамларда  И. Каримовнинг  аниқ  ва  тўғри  қарорлари  туфайлигина  мамлакат  ҳалокат  ёқасидан  қайтганига  кўп  бора  гувоҳ  бўлганмиз.

Мустақил Ўзбекистоннинг Биринчи  Президенти,  истиқлол  меъмори  Ислом  Абдуғаниевич  Каримов  замонамизнинг  улуғ  сиёсатчиси,  ватанимиз  равнақи,  юртимиз  тинчлиги,  халқимиз  фаровонлигига  улкан  ҳисса  қўшган  шахс  сифатида  ҳалқимиз  қалбида,  юртимиз  тарихида  мангу  сақланиб  қолади.  Халқимиз  ўзининг  тарихан  қисқа  муддат-25 йил  ичида  эришган  барча  ютуқ  ва  марраларини  ҳақли  равишда  Президент  Ислом  Каримов  номи  билан  боғлайди  ва  шу  улуғ  инсоннинг  хизматлари,  деб  билади.  Мухтарам  Президентимиз  Шавкат  Мирзиёев   таъбирлари  билан  айтганда,  “Вақт  ва  ҳаётнинг  ўзи  Ислом  Каримовнинг  узоқни  кўрадиган  ва  стратегик  фикр  юритадиган  шахс,  дунёда  ва  турли  мамлакатларда  юз  бераётган  ўта  мураккаб  вокеа-ҳодисаларнинг  моҳиятини  давлатчилик  нуқтаи  назаридан  кўра  билиш  қобилиятига  эга  бўлган,  ўз  юрти  ва  халқи  учун,  ҳар  бир  ватандошимизнинг  тақдири  учун  улкан  масъулият  туйғусини  чуқур  ҳис  қиладиган  атоқли  рахбар  эканини  ҳар  томонлама  тасдиқлади.

Ўзбекистон  Республикасининг  Биринчи  Президенти,  Ўзбекистон  давлатининг  асосчиси  Ислом  Абдуғаниевич  Каримов  агар  ҳаёт  бўлганида  ўша  йили  30 январида  79  ёшга  кирган  бўлар  эди.  Юртбошимизни  сўнгги  йўлга  кузатар  эканмиз  хаёлимиздан  ўтди  бу  мусаффо  осмонлар  учун,  осойишта  ҳаёт  учун,  оналар  юзидаги  хотиржамлик,  болалар  юзидаги  қувонч  учун  у  қанчалар  захмат  чекканини  англамоқдамиз.  Худди  ота-онамизни,  қадрдонларимизни  йўқотганда  бирдан,  уларнинг  қадрини  англагандек  Ислом  Каримов  ҳаётимизнинг  бир  бўлагига,  юрагимизнинг  бир  парчасига  айланган  экан.  Буюкларнинг  вафоти  ҳам  буюк  бўлади.  Ислом  Каримов  сўнги  манзилга  кетар  чоғи  қадрдон  халқини  янада  мустаҳкамроқ,  янада  жипсроқ  қилиб  бирлаштириб  кетди.  Худдики  аҳил  бўлинглар  дегандек.  Жудолик  қанчалик  оғир  бўлмасин  ўзгармас  бир  ҳақиқат  бор,  инсон  хотираси  абадий  экан  у  ҳеч  қачон  ўлмайди.                       У доимо, “Барча  қиладиган,  қилаётган  ҳаракатларимиз,  меҳнат  машаққатларимиз  юрт  учун,  миллат  учун,  келажагимиз  учун”  дерди.              

Унинг  ватанимиз  равнақи,  юртимиз  тинчлиги,  халқимиз  фаровонлигига  қўшган  улкан  ҳиссаси,  у  кишининг  сермазмун  ҳаёти  ва  фаолиятининг  ёш  авлод  тарбиясида  тутган  ўрни  ва  аҳамиятини  инобатга  олиб,  ушбу  санани  улуғ  халқимиз  байрами  сифатида  нишонлаш,  унинг  хотирасини  абадийлаштириш  борасидаги  бу  каби  тадбирлар,  шубҳасиз,  Ислом  Каримовнинг  рухини  шод  этади.

Қуйидаги  мақолам  ҳам  мустақил  Ўзбекистоннинг  Биринчи  Президенти  Ислом  Каримовнинг  фаолияти,  бой  сиёсий  меросининг  баъзи  қирралари  ҳақида  маълумот  беради.  Мустақил  Ўзбекистон  давлатининг  асосчиси,  юртимизни  собиқ  мустабид  тузум  қарамлигидан  озод  қилиб,  уни  замонавий  асосда  тараққий  эттириш  стратегиясини,  бутун  жаҳонда  «ўзбек  модели»  деган  ном  билан  тан  олинган  ривожланиш  йўлини  ишлаб  чиққан,  жаҳон  миқиёсида  катта  обрў-эътибор  қозонган  буюк  давлат  ва  сиёсат  арбоби  Ўзбекистон  Республикасининг  Биринчи  Президенти  Ислом  Каримов  халқимиз,  айниқса,  ёш  авлод  камолоти  йўлида  мунтазам  ғамхўрлик  кўрсатганини  бутун  жаҳон  жамоатчилиги  эътироф  этмоқда.  Юртбошимизнинг  хотирасини  азиз  ва  муқаддас  билиш,  истиқлол  йилларида  мамлакатимизда  навқирон  авлоднинг  порлоқ  келажаги  йўлида  яратилган  шароит  ва  имкониятларни  қадрлашга  ўргатиш,  ёшлар  қалбидаги  Ватанга  муҳаббат,  юртпарварлик  туйғусини  мустаҳкамлаш  мақоланинг  асосий  ғоясидир.       

Буюклар  ўлмайди, улар  халқнинг  қалбида  абадий  яшайди.  Ўзбекистоннинг  Биринчи  Президенти,  мустақиллик  асосчиси  И. Каримов  шундай  деган  эдилар: «Ким  ўзини  тозалигини,  софлигини  сақлайди.  У  ўзини  келажагини  сақлайди.  Беғараз  одамлар  ҳавас  билан  яшаши  керак, ҳасад  билан  эмас».  У  юртга  бир  умр  сидқидилдан  хизмат  қилишни  ўзига  бахт  деб  билди.

 «Одамни  бахти  нима  деса-ўзини  ички  иродаси,  ички  иймони  билан  розилик  бўлса  мана  шу  унинг  бахти» -дер  эди.

У  бу  осойишталик,  тинчлик,  мусаффо  осмон,  бахтли  болалик,  ёшлик,  хотиржам  оилалар  саодати  учун  25 йил давомида  халқ  билан  мулоқотда  бўлди  ва  ҳар  бир  тақдир  учун  ўзини  масъул  билди.  Барчамиз  учун  қалбидан  жой  берди.

        «Ман  сизларни  кўрсам,  беихтиёр  ўзимни  яқин  қариндошларимни  кўргандай  бўламан.  Ман  сизлардан  розилигим  шуки – Бугун  90-йил  эмас,  бугун  шундай  хаётни  кечираяпмизки  ҳар  қайси  одам  ўзи  кўриб,  сезяпти.  Агарки  биз  шундай  ҳаётни  давом  этсак  ҳеч  қачон  кам  бўлмаймиз».

У  айниқса  биз  ёшларни  жуда  севарди.  Ва  бу муҳаббат  уни  ғайратига  яна  ғайрат  қўшарди.  Бизлар  ҳаққимизда  тўлиб-тошиб,  «Эртанги  кунимиз  мана  шу  ёшларнинг  кўзида,  ёшларнинг  ҳаракати  ва  уларнинг  қурби-қудратида.  Ўзбекистонда  яшаётган  миллион-миллион  ёшлар  ўзимни  болам,  ўзимни  фарзандларим!»-дея  сўзларди.  Жонкуяр  юртбошимиз  умрининг  охиригача  халқини,  бизнинг  келажагимизни  ўйлади: «Ҳаракатлар  деймиз,  ташвишлар  деймиз,  қанчадан-қанча  қийинчиликларни  бошимиздан  кечирамиз  ҳамиша  ким  учун… Инсон  учун,  миллат  учун,  келажагимиз  учун»«Эртанги  кунимизни  эслаб-ўйлаб  яшаш  халқимизга  буюрсин.  Халқимиз  ҳеч  шошилмасдан  ўзимизни  кучимизга  инониб,  ишониб  яшаши  керак».

Юрт  етакчиси  тараққиёт  раҳнамоси  у  абадиятга  даҳлдор  эзгу  амаллар  ташаббускори  ва  муаллифи.  Юртини  ҳамиша  яхши  кўрадиган  ва  севгисини  ўз  вақтида  изҳор  қила  оладиган  ноёб  қобилият  эгаси. Қалбидаги  самимий  меҳр-муҳаббатини  халқига  шундай  деб: «Президент  фақат  телевизорда  кўрадиган,  радиода  эшитадиган  одамлар  борки,  президент  нафақат  расмий  қарашларидан  ташқари  уни  инсон  сафида  билишни  хохлайди.  Улар  истагида  албатта  жон  бор  чунки  рахбар  ҳам  оддий  одам»«Манга  шундай  бахт  берганиз  учун,  шундай  ишонч  билдирганингиз  учун,  манга  шундай  тоғдай  суянганингиз  учун  ман  умрбод  сизлардан  қарздорман»«Манга  давлат,  манга  амал  бергани  учун  мани  тилагим  битта.  Ман  шу  халқни  рози  қилсам  бўлди»,   «Бундай  замин,  бундай  халқ  билан  бирга  яшаш  катта  бахтдир.  Энг  муҳими  ман  эртанги  кунга  ишонаяпман.  Мана  шу  хақиқат  билан  яшаш  керак»  исҳор  этарди.

Зеро,  Биринчи  Президентимиз  яшаб  ўтган  умрларига  қараб,  “Бу  умр  буюк  ишлар  учун  яралган  умрдир!”-дея  баралла  айтиш  мумкин.  Сиз,  ҳамиша  шундай  бўлсангиз,  бизнинг,  ҳар  бир  Ўзбекистонликнинг  қалбида  ана  шундай  самимий,  меҳрибон  ва  қадрдон  инсонимиз  сифатида,  отамиз  бўлиб   бир  умрга  қолаверасиз!!!

Дилноза Камилова

Вам также могут понравиться Еще от автора